Skulle varsla om kontroll - blinka til politi i sivil
Kvinna vedtok ikkje forelegget.
Onsdag hadde Os lensmannskontor fartskontroll med laser i 50-sona på Skeisflaten.
– Vi sto ved kyrkja og målte farten på trafikken frå Irgenskrysset mot skuleplassen, fortel politiførstebetjent Sindre Lekven Hallem.
Politi hadde òg ein post i motsett retning, politi i sivil.
Då denne skulle returnera til kollegaene i samband med at kontrollen skulle avsluttast, møtte den ein bil som blinka med lysa.
– Det framsto som om ho ville varsla møtande trafikk om kontrollen. Men uavhengig avårsak blei ho meldt for feil bruk av lys og fekk eit forenkla forelegg på 2.600 kroner.
Bilførar vedtok ikkje forelegget.
To bilistar blei målt i for høg fart, høgaste fart var 63 km/t, noko som tilsvarar forelegg på 3.800 kroner.
Vinglete køyring og kyr i vegen
Tysdag fekk politiet melding om vinglete køyring to gongar.
Klokka 13.15 var det ein svenskregistrert bil, men meldar mista denne ved UnoX og patruljen fann den ikkje.
Klokka 16.30 mista meldar òg bilen, men ut frå skildring fann politiet rett bil. Bilførar kjente seg ikkje igjen i skildringa, bles til null, fekk ei formaning om å følga med på vegen og fekk køyra vidare.
I 22.15-tida fekk politiet melding om 5-6 kyr i vegen i Hegglandsdalen.