Lokal | 11. juli 2012
Slapp redningsaksjon
Mann gjekk seg fast på Svinningen. Blei losa ned av kjentfolk.
Andris Hamreonsdag 11. juli 2012 10:20
Politiet fekk tysdag melding frå ein person i Hegglandsdalen som hadde blitt kontakta av ein kjenning som var på fottur på Svinningen i Øvredalen. På veg ned att hadde mannen blitt overraska av tåke og fant ikkje vegen.
- Vi freista å få kontakt med vedkommande, men grunna dårleg mobildekning i området oppnådde vi ikkje det.
Godt med lokalkjende
Medan politiet freista å få telefonkontakt med turgåaren hadde vedkommende fått kontakt med ein av dei lokalkjende frå Øvredalen.
-Denne hadde losa han trygt ned frå fjellet og til Rolvsvågen.
- Det er godt vi har lokalkjende som kan bistå, avsluttar politioverbetjent Terje Sperrevik.
Politiet slapp difor å settja i gang ein større redningsaksjon.