Kultur | 04. feb. 2021

Slepp ny låt - håpar på konsertar

«Hey Mami» er Tåpelig sin siste låt.

Slepp ny låt - håpar på konsertar
Lasse Stangvik og Martin Aadland, som utgjer duoen i Tåpelig, er klar med ny låt. (Foto: Privat)
Ørjan Håland
Ørjan Hålandtorsdag 04. feb. 2021 20:28

Lasse Stangvik og Martin Aadland utgjer duoen i Tåpelig.

I dag sleppte gutane bak «Tysnesfist» og «Tequila» den nye låten «Hey Mami», og låg raskt an til å bli det beste sleppet til no i mengde lyttarar.

– Vi er ganske nøgd med «Hey Mami», og har hausta nokre gode tilbakemeldingar allereie. Til og med faren min sa det svinga litt i hofta når han høyrde låten, så det lover jo godt, seier Lasse.

– Det er ein veldig dansbar låt med latinske vibbar.

Her kan du høyra låten:

Timing is everything

Eit kjent uttrykk for mange er, timing is everything, det fekk Tåpelig erfara med sitt tidlegare låtslepp.

– Vi ga ut Tequila-låten i slutten av 2020 og fekk ein flott boost med avspelingar i starten. Men så var det nok litt for nær jul, og vi merkte at avspelingane forsvann ganske kraftig. Då var det tydeleg at julemusikken tok over spelelistane.

– Men det var ei god erfaring å få, seier Lasse.

Håp om å spela konsertar

Etter snart eit år med pandemipreg på kulturlivet, håper Tåpelig at vaksineringa går unna så det blir sjanse å stå på nokre scenar til sommaren.

– Vi har meldt vår interesse til å spela hos ulike arrangørar, og det er god stemning. Men det er ingen som kan lova noko som helst grunna korona.

– Foreløpig er det berre til å leva i håpet.

Det kokte godt blant dei som møtte opp på Fadderfestivalen i Stavanger. (Foto: Privat)
Det kokte godt blant dei som møtte opp på Fadderfestivalen i Stavanger. (Foto: Privat)

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.