Kultur | 10. juli 2010

Slik blir Irish Cat

Slepper catten ut av sekken: Bygginga av den nye uteplassen startar i august. Her kan du sjå teikningane.

Slik blir Irish Cat
Kjetil Vasby Bruarøy
Kjetil Vasby Bruarøylørdag 10. juli 2010 07:59

Bildeserie:

1 av 8

Opus-eigar Espen Risti og Bergen Servering skal med selskapet Irish Cat starta ein ny nattklubb i Os. I påsken i år teikna dei leigekontrakt med Anders Fagerthun og planen var då å opna den nye uteplassen i midten av juli i år.

- Opningsdatoen er utsett. Vi har rydda ut av lokalet, startar bygginga tidleg i august og reknar med opningsfest i midten av september, seier Espen Risti.

Les òg:
Opnar ny nattklubb

Scene, sport og altan
Irish Cat etablerer bruker rundt to millionar kroner på å bygga ein moderne nattklubb i lokala som tidlegare husa kinarestaurant og restauranten Matstova.

- Vi lager ein stor, firkanta bar med servering både mot LIVE-avdelinga der kinarestauranten var og lokalet der Matstova heldt til. To barar utan vegg mellom.

I enden nærmast bygningen Kleiven held til i kjem biljardbord, dart, storskjermar og ståbord i ei eigen underhaldningsavdeling.

I LIVE-avdelinga skal det byggast sitjegrupper, dansegolv og scene. I den andre avdelinga kjem fleire sitjeplassar i båsar, ståbord og utgang til altan, om søknad om fasadeendring blir godkjent.

Kjører 20-årsgrense
Risti reknar med at Irish Cat får plass til rundt 250 gjestar, 350 om dei får altan på utsida av etasjen.

- Interiøret kjem til å bli strøkent. Saman med storleiken, LIVE-musikk, DJ-bås og underhaldningsavdelinga trur eg dette blir ein attraktiv plass, også dei meir vaksne osingane.

- Korleis blir opningstidene og aldersgrensa i dei ulike avdelingane?

- Opningstidene er litt tidleg å seia noko om. Det er mogleg å skilja dei tre avdlingane, men alle kjem til å vera opne fredagar og laurdagar. Vi diskuterte ei stund å ha ulik aldersgrense på avdelingane, men har bestemt oss for å ha 20-årsgrense på alle tre.

- Kva inntrykk har du av osingane etter fire år som sjappe-eigar på Osøyro?

- Eg har opplevd Os som ein god stad i driva nattklubb, på Opus har vi hatt eit stort og godt publikum som oppfører seg fint, seier Espen Risti.




Spennande? Vil du ha ukas høgdepunkt i innboksen?

Tilgang til alt innhald for kun 5 kr i 5 veker

Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!

  • Tilgang til alt innhald
  • Utan bindingstid
  • Moglegheit for fleire brukarar
Les meir og bestill

Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.