Slit med støy og kulde
Elevane på ungdomsskulen har måtte sitta med ytterjakkene på inne. I tillegg har rivingarbeidane gjort det vanskeleg å høyre læraren.
I midten av oktober starta rehabilitering og ombyggingarbeida på ungdomsskulen i Os sentrum. Dei første vekene med arbeid har ikkje gått heilt problemfrie for seg.
- Straumen har vore vekke i fleire dagar, så vi må sitta med jakkene på inne.
- I tillegg har læraren problemer med å høyra oss når vi har framføring, fortel elevar i 10. klasse til Midtsiden.
Problemet er at elevane har klasserom i andre høgda i sørfløyen på skulen kor ein i etasjen under er i ferd med å opna opp klasseromma inn mot gangen gjennom å rive dei eksisterande betongveggane.
Har teke tak i problema
Midtsiden har ikkje lukkast å få tak ansvarleg personar i kommunen onsdag morgon, men på ungdomsskulen si heimeside skreiv administrasjonen følgande tysdag:
Vi har hatt manglande straum og varme i klasseromma i fløyen mot sør, og har i så måte stått over utfordringar vi helst vil unngå. Elektrikar er sett på saka og vi håpar at ting er i orden att snarast.
- Det har og vore noko støy i samband med bygginga og vi har igjen understreka at slikt støyarbeid må gjerast unna før eller etter skuletid.