Slo nesten alle
Gudmund Snilstveit reiste frå Fusa til USA - og slo nesten alle i knallharde Ford Ironman Florida.
Snilstveit vann i sommar NM i langdistanse triathlon over halv Ironman-distanse. Under Ironman i Zürich i Sveits var han uheldig og velta, men i Florida i helga fekk han fullført med stil.
Gudmund hamna på 12. plass i proffklassen, der han konkurrerte mot over 60 sterke profesjonelle utøvarar. Fusingen låg lenge an til å slå den norske rekorden på 8.40.00.
- Han sleit litt med dei siste 11 km løping, fortel nestleiar i Bergen Triathlon Club, Kjell Eirik Henanger i ei pressemelding.
I staden blei det 8.45.13 og 3. beste norske ironman-tid.
- Det gode resultatet gjev verdifulle rankingpoeng fram mot Ironman VM på Hawaii i oktober 2011, seier Henanger..
Ironman består av:
• 3800 meter symjing
• 180 km på sykkel
• Maraton (42 km) løping
Gudmund brukte 56.08 på symjedistansen (25. plass), 4.34.34 på syklinga (avanserte til 14. plass) og 3.08.06 på løpet (enda på 12. plass).
- Eg er godt nøgd med å vera i live etter dagens innsats, oppladinga har ikkje akkurat vore ideell, seier Snilstveit sjølv.
Tidleg i konkurransen skal han ha kjent at det mangla på langdistansetrening.
- Eg har ikkje sumt på over ein månad, og grunna mistanke om overtrening har eg også halde meg unna både sykkelturar på over 4 timar og løpeturar på over 14 km, fortel Gudmund Snilstveit.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.