Kultur | 23. sep. 2016

Slutt for Nore Neset Dagane

Dei populære aktivitets- og messedagane på Skeie er lagt på is på ubestemt tid.

Slutt for Nore Neset Dagane
Nore Neset Dagane inkluderte messe, mat, musikk og aktivitetar inne og ute. Desse dagane er førebels over. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 23. sep. 2016 07:19

Det nærmar seg slutten av september, noko som skulle bety sesong for dei årlege Nore Neset Dagane, som sidan 2011 har kalla delar av arrangementet for Osmesso.

Med messe og marknad inne og ute, musikkinnslag, moteshow, gatecup og mat, har det yra med liv i og rundt Nore Neset Aktivitetshus i slutten av september i mange år.

Slik blir det ikkje i år, og truleg ikkje i dei første åra som kjem.

Vil tenkja nytt

Det er Stiftelsen Nore Neset Aktivitetshus og Nore Neset idrettslag som har stått bak arrangementet.

– No har styret bestemt at vi legg Nore Neset Dagane til side, seier dagleg leiar i stiftinga, Karin Bøyum.

– Det har vore marknadsdagar her i fleire tiår, og då vi såg på programmet for 1986 så ser vi at det ikkje har skjedd mykje. Den gong blei dagane arrangert på skulen etter at Symra brann.

Sjå video frå Nore Neset Dagane 2015.

Arrangerer dans og julemarknad

– Det har vore eit godt arrangement, blant anna med oppsving nokre år etter at vi styrka marknaden med Osmesso, men det er òg mykje arbeid.

– Dugnadsånden lever enno, men det er mange andre oppgåver på både oss og medlemmane.

Utan arrangement blir hausten likevel ikkje. Laurdag 22. oktober blir det dans med Dag Bergesen på scenen, første helga i desember skal det vera julemarknad.

Tar ein tur opp Liafjellet

Det blei arrangert Nore Neset Dagane i fjor, men då utan det populære motbakkeløpet Liafjellet Opp.

I staden var det eit «trimløp», mens Liafjellet Opp blei delt vidare frå idrettslaget til Opptur Motbakkeklubb.

Klubben, som i vår arrangerte Linken Opptur, lager løp opp Liafjellet laurdagen årets Nore Neset Dagane opprinneleg skulle vore arrangert.

– Det blir ikkje «fullskala» Liafjellet Opp i år, men vi køyrer Opptur fellestrening med intervallstart og elektronisk tidtaking. Alle som vil kan vera med, fortel Klas Færøvik frå Opptur.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.