Slutt på elbil-fordel

Etter at det kom på plass nye reglar for ferjetakstar kor det blei opna for betaling for elbilar på riks- og europavegar innfører no Fjord1 betaling for elbilar på ei rekkje samband på vestlandet.

I Hordaland gjeld endringa for sambandet Halhjem-Sandvikvåg på E39.

– El-pristaksten er halv pris av ordinær køyretøypris, opplyser selskapet på si heimeside.

Nytter ein verdikort blir det gitt 50 prosent rabatt i tillegg, slik at elbilar ved bruk av verdikort betaler 25 prosent av ordinær køyretøypris. Også for elbilane er sjåfør inkludert i billetten.

Dette er i tråd med stortinget sitt vedtak som i fjor vedtok at nullutsleppsbilar ikkje skal betala meir enn femti prosent av det konvensjonelle bilar gjer når det gjeld bompengar, ferje og parkering.

Elbilsjåførar har allereie betalt på ferjene på fylkesvegnettet i to år, men no blir det altså innført på riks- og europavegar òg.