Slutten blir som starten
Lurer du på om det blir meir finvêr denne vinterferien?
Det var ikkje gode vêrmeldingar for vinterferien, men ferien starta bra med sol og varme søndag, både i Os og i Eikedalen.
Veka skal bli våt, og i fjellet er det varmt nok til at noko av nedbøren kjem som regn både i Eikedalen og på Voss.
Tysdag ettermiddag er det meldt opphaldsvêr, og frå tysdag til fredag er det kveldskjøring i Eikedalen.
I Voss Fjellandsby er det venta snø desse dagane i starten på veka.
Uansett har alle dei nærmaste skidestinasjonane bra med snø å gå på, så når det frå fredag lettar igjen er det duka for nye skidagar av same sort som i dag.
Det er nemleg meldt lettskya, rundt null gradar og lite vind frå og med fredag av.