Snadder frå kontinentet

Torsdag i neste veke kjem European Market til Os igjen.

Siste gong matprodusentane frå kontinentet besøkte Os var i 2012 (sjå bildeserie), i år stiller dei ut i Os frå torsdag til laurdag under Osfest.

European Market byr på alt frå fransk, nederlandsk, italiensk og engelsk ost til italienske delikatesser som parmaskinke, olivenolje og honning, spansk paella, tysk grill, franske crepes og vaflar og marokkansk couscous.

Non-food og nyhende

– Vi har også med utstillarar som sel anna enn mat, som treskjæring, såpe frå Marseille, hanvesker, smykker og skjerf, fortel arrangør Olivier Simonin.

Nye produkt er det også i årets europeiske marknad.

– Eg kan nemna engelsk fudge, belgiske makroner bakt på staden, siciliansk blautkake, motesmykker frå Paris og vakre, tyske hageartiklar.