Snø på Snuken

Det er snø på toppen av Tøsdalsfjellet og Møsnuken i dag og det skal ha kome snø på toppen av Vallaheiane.

Skal torsdag 25. oktober bli første dag etter sommaren med kvite bakkar i låglandet i Os?

JA! meiner Storm.no.

NEI, men kanskje fredag, meiner Yr.no.

For medan Storm melder sludd i formiddag og snø frå klokka 21 i kveld trur Yr at det blir litt varmare og regn.

Både Storm og Yr melder skyfri himmel og sol i ettermiddag, men temperaturane er dei ikkje heilt einige om.

Storm melder dessutan ein minusgrad og snø heile natt til fredag, Yr melder ein plussgrad og regn, men kanskje litt sludd, frå klokka 3 natt til fredag til klokka 7 fredag morgon.

Om det kjem snø blir den uansett neppe liggande lenge, det er meldt regn i helga og 5-8 plussgradar og regn store delar av neste veke.