midtsiden

Snøsuksess i regnvêret

Atten akrobatar prøvde seg i Os Snow Challange. Her er vinnarane, bilde og filmsnutt frå bigjumpkonkurransen.

image
image
image
image
image
image
image
image
Av: Kjetil Vasby Bruarøy

Laurdag blei ein spesiell dag i Elvebakken, 18 lokale hobbyakrobatar stilte opp for å konkurrera i Os Snow Challange, på eit hopp bygd heilt på tampen av rekordvinteren 2010.

- Vi er veldig nøgd, både med deltakartalet, triksa dei leverte og med publikum. Rundt 200 publikummarar møtte fram, endå fleire om vi tar med alle som stilte seg opp på parkeringsplassen til Rema 1000 for å sjå på, seier Arne Veim Haugland.

Haugland var saman med Håkon Holen initiativtakar og arrangør, men dei to hadde fleire gode hjelparar for å bygga, salta og organisera.

- Då eg kom klokka 12 for å gjera klart til konkurransen, og regnet hølja ned på presenningen som låg over hoppet, så hadde eg ikkje så lyst til å gå ut av bilen. Men så kom det seg heldigvis utover dagen.

Supermann
Over 40 kilo med salt gjekk med til å førebu bakke og hopp på konkurranse. Med straum til lys- og lydanlegg frå Fløysand sitt kontor var det dua for prøvehopping frå klokka 17 og konkurransestart rundt klokka 19.

- Det var imponerande mange gode triks å sjå, frå rodeo 5 og supermannsalto til forsøk på 900 og overraskande mange som tok backflip i ulike variantar, seier Arne, fast bestemt på å arrangera Os Snow Challange også i 2011.

- Om ikkje det blir like mykje snø neste år så går det kanskje an å låna snøproduksjonsanlegg.

Finalistar og vinnarar
Egil Berland, Mathias Meek, Tom André, Andeas Ask, Thomas Bøthun, Jostein Røen, Magne Bolstad og Sindre Eugen Hægland gjekk etter to innleiande rundar vidare til finale.

Her er vinnarane:
Under 16 år, snowboard: Eirik Titlestad
Over 16 år, snowboard: Andreas Ask
Under 16 år, ski: Mathias Meek
Over 16 år, ski: Martin Bolstad

- Hovudpremiane, kvar sin jakke frå Daniel Franck, gjekk til den med beste triks på ski og brett i finalen. Mathias Meek og Andreas Ask stakk av med desse, fortel Haugland.

- Så får vi håpa at middagen smakar for Andreas Søfteland. Han vann måltid på Peppes Pizza for to for dagens råaste tryning. Det er han vel unnt, seier Arne og ler.

Filmsnutten under, av Thomas Bøthun på hoppet, blir erstatta med ein utvida versjon i løpet av veka.

Fleire saker