- 23. okt. 2020

Snudde bortekampen - «mista» laurdagskampen

Os junior tar imot Åsane i kveld.

Snudde bortekampen - «mista» laurdagskampen
Kristoffer Røttingen reduserte til 2-1 i 75. minutt. Så kom det eitt mål per 5. minutt til kampen var over. (Foto: KVB)
Kjetil Vasby Bruarøy
Kjetil Vasby Bruarøyfredag 23. okt. 2020 07:57

Os G19 hamna under 2-0 borte mot Bjarg tysdag, etter straffe i 15. minutt og skåring i 60. minutt.

Men så starta snuoperasjonen.

Kristoffer Røttingen sette inn 2-1 i 75. minutt, Elias Heggland Myrlid, som skåra 5 mål i 1-6-siger over Gneist i førre bortekamp, gjennomførte nok eit hattrick og sikra sigeren.

Elias har skåra ekte hattrick i to bortekampar på rad. (Foto: KVB)
Elias har skåra ekte hattrick i to bortekampar på rad. (Foto: KVB)

Bjarg - Os 2-4 (1-0)
Målskårarar, Os: Kristoffer Røttingen og Elias H. Myrlid 3
Tropp og kampfakta på fotball.no

Mens A-laget og Os 2 mista årets sesong, grunna korona, har fleire av dei yngste frå seniorfotballen fått boltra seg i 1. divisjon junior.

Kampane har hatt godt publikum, og til neste kamp var det kanskje duka for ekstra mange, då denne var sett opp ein laurdag ettermiddag.

– Kampen er framskynda, så den blir i kveld. Vi håper på godt publikum likevel, seier hjelpetrenar Ivar Johannessen.

Os tar imot Åsane fredag, med kampstart 18.30.

Åsane ligg på 5. plass på tabellen for 1. divisjon etter å ha tatt 12 poeng på 7 kampar.

Os ligg på 8. plass av 12 lag etter 7 poeng på 6 kampar.

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.