Sport | 18. okt. 2011

Snudde kampen åleine

Tre mål av Thuen: Omringa av oldboys spelte Egil Thuen (16) ein kjempekamp for Os 2.

Snudde kampen åleine
Kjetil Vasby Bruarøy
Kjetil Vasby Bruarøytirsdag 18. okt. 2011 20:52

Måndag var Os 2 i Norheimsund for å spela sesongens siste bortekamp. Heimekampen mot Norheimsund blei utsett frå i vår til 25. september, den kampen tapte andrelaget til Os 2-5.

I går tok Norheimsund leiinga, men Egil Thuen putta tre og sikra 3-1-siger til Os 2.

God med begge bein

– Éin spelar er aldri større enn laget, men det er noko med Egil Thuen. Når han skårar eitt på frispark, eitt med høgrefoten etter gjennomløp og eitt med venstrefoten etter gjennomløp, så blir eg imponert, seier Frode Steffensen.

Veteranen er tidlegare Os-trenar og bror til A-lagstrenar Øyvind Steffensen. Ha leia bortekampen til Os 2 i går.

– Egil sitt skot med venstre var ikkje berre eit lykketreff, det var eit hardt og godt skot. Å skyta så godt med begge bein er ein stor fordel i moderne fotball, i tillegg hart han eit voldsomt rykk når han set inn turboen. Dette er ein spelar for framtida, meiner Steffensen.

Heimelaget best i første

Medan Os 2 allereie er garantert å rykka ned ligg Norheimsund i grenseland, noko som også prega starten på kampen.

– Norheimsund opna i eit voldsomt tempo, og sjølv om målet kom på ein klareringsfeil av oss var det fortent at dei tok leiinga.

Thuen utlikna på frispark frå 20 meter før pause.

Lærer av veteranane

– Medan vi i første omgang var litt svak i duellane og ikkje presise nok i pasningsspelet kom det seg i 2. omgang.

– I tillegg ser eg at dei unge Os-spelarane lærer mykje av veteranane.

Os 2 hadde med seg seks veteranar til bortekampen. Os sitt oldboyslag er like suverene i serien som tidlegare år, og fleire av gamlegutta har vore til stor hjelp for klubben gjennom 2011-sesongen.

Os (4-3-3): Marcus Dalland - Jan Ole Johannesen, Jan Frode Skeie, Robert Bjørnevik, Tommy Hjelle - Frode Buvik, Fredrik Heggland, Tore Engevik - Egil Thuen, Frode Øye og Mounir Aouachria.

Innbytarar med speletid: Håkon Kvittingen, Glenn Krossøy, Joar Søvik, Thomas Mjelva, Ørjan Glesnes og Espen Borgen.

Fredrik Heggland, som sto over førre kamp med A-laget grunna skade i ankelen, måtte ut etter rundt fem minutt grunna same skade i gårsdagens kamp.

Os 2 avsluttar sesongen med heimekamp mot Frøya førstkomande søndag klokka 16. Bortekampen i vår enda med 4-1-siger til Os 2. Frøya ligg på 4. plass på tabellen.

Tabell, 4. div avd 2

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.