Jubel etter skåring - snuoperasjonen mot Brann var i gang! (Foto: Kjetil Vasby Bruarøy)

Snudde kampen mot Brann

Søre Neset spelte to gode kampar då Stjerneserien hadde stor kampdag i Halhjemsmarka.

image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Søndag var Søre Neset idrettslag vertsskap for ein av vårens tre serierundar i Stjerneserien.

Rundt 250 spelarar på 29 lag frå 12 ulike klubbar var samla til to kampar kvar. Dei vaksne spelte femmarfotball, dei yngre spelte trear.

– Dette blei eit større arrangement enn eg hadde sett for meg, seier styreleiar i Søre Neset il, Bjarte Aarvik.

Fleire frå idrettslaget måtte i sving for å halda kiosken open og banane i drift.

– Det er kjekt at Hordaland krets har Stjerneserie, og at vi på Søre Neset kan gi osingane dette tilbodet, synest han.

Søre Neset i storform

Søre Neset spelte to kampar, og leverte betre enn vanleg i begge.

– Vi plar tapa for både NBK og Brann, fortel Kristine Bjånesøy Tikkanen.

Ho trener laget saman med ektemannen Riku Tikkanen.

Søndag gjekk det langt betre. Etter 3-3 mot NBK sto Brann for tur. Her hamna Søre Neset under heile 0-3 før dei snudde kampen.

Tre spelemål og eit indirekte frispark seinare var det heimelaget som leia. Brann utlikna på tampen, så hadde Søre Neset ein matchavgjerande redning og kom seg åleine med keeper, men det endte uavgjort også i denne.

– Det har vore ein god kampdag for oss, med 7 mål på to kampar og uavgjort mot to tøffe motstandarar, synest Kristine.

Ny treningsdag og aukande medlemsmengde

Tikkanen fortel at laget har 13 meir eller mindre faste medlemmar som trener éin dag i veka.

Spelarane er frå 15 til over 50 år gamle. Alle utanom to var med på serierunden på heimebane.

– I mange år trente vi kvar onsdag, men plutseleg var det flere dette passa dårleg for, så no er det måndagane vi er i sving.

Både om våren og hausten er det tre helger med serierundar.

 

Fleire saker