Sport | 04. aug. 2017

Sofie tok gull!

Sofie Evensen måtte ut i omskyting etter å ha skote 12/11 i feltfinalen.

Sofie tok gull!
Sofie Evensen tok gull (foto: Andris Hamre)
Andris Hamrefredag 04. aug. 2017 14:59

Grunna trøbbel med ei av skivene drygde det før Sofie Evensen og dei andre skyttarane i det siste laget i klassen for eldre rekrutt fekk innta standplassen fredag ettermiddag.

Sofie Evensen takla ventetida godt og leverte ein serie det lukta svidd av. Berre det sjuande skotet sat utanfor sentrum og ho enda dermed i delt leiing med 12 blinkar, 11 av dei i sentrum.

Det var det berre éi anna jente som også klarte, Marte Marie Engebretsgård frå Åsheim. Dei to måtte difor ut i omskyting for å avgjera gull og sølvplassen.

Nervepirrande

Truleg var nervene høgare hos osingane som følgde skytinga frå utsida eller via web-TV enn den var hos Sofie i omskytinga.

Sofie starta med ein yttertreff, før ho drog seg inn i sentrum og sette dei neste 11 skota i sentrum. Marte Marie bomma på skot nummer 5 og det siste skotet. Dermed vann Sofie med 12/11 mot Marte sine 12/10.

Det er ikkje første gong Sofie står øvst på pallen under landsskytterstemnet. For to år sidan vann ho rekruttklassen på 100 meter bane.

Storesøster i feltfinale

Det kunne bli meir edelt metall på familien Evensen fredag ettermiddag. Storesøster Amalie Evensen låg nemleg på skive 6 i feltfinalen for juniorar.

Amalie skaut ein svært godt samla serie, men skota låg dessverre litt lågt til venstre. Dei første skota traff blink, men låg i ytterkant av blinken. To av skota sneik seg på utsida av blinken.

Dermed enda ho på 10/1 i finalen etter å ha skote 30/23 i den innleiande skytinga.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.