Søfteland etter dagens siger i KM-finalen. (Foto: Kjetil Vasby Bruarøy)

Søfteland er kretsmeistrar

For første gong på 39 år har Søfteland sitt herrelag vunne ein KM-finale.

image
image
image
image
image
image
image
image
image
image
Av: Kjetil Vasby Bruarøy

Søfteland slo i dag Kvernbit i KM-finalen i 6. divisjon.

Sist klubben hadde kretsmeistrar var i 2001, då eit nystarta damelag gjekk rett til topps. Sist herrelaget blei kretsmeistrar var i 1976, då etter opprykk frå 5. divisjon til det som i dag er 3. divisjon.

Søfteland - Kvernbit 3-1 (2-0)
Målskårarar, Søfteland: Ramo Racic 2 og Simon Aasen.
Søfteland: Christer Johannessen, Sindre Jacob Råheim, Per Martin Sælen, John Ole Johannessen, Tarjei Tjeldflåt, Eirik Johnsen, Øysten Wallevik, Ramo Racic, Remy André Søfteland, Kenneth Veastad, Simon Hatlelid Aasen, Tommy Aarebrot Skorpen, Niklas Linde og Roar Wold.

Racic sette begge måla før pause. Søfteland fekk også straffe i 1. omgang, men denne blei redda.

– Kvernbit imponerte meg, dei var eit spelande lag. Men dei skapte veldig lite, synest trenar Raymond Pedersen.

Simon Aasen auka til 3-0 før Kvernbit reduserte på eit frispark.

– Gjestane hadde litt meir å by på i andre omgang, men det blei aldri farleg. Heldigvis, for vi har trent lite etter at serien var over.

– Var gutane vanskelege å motivera til KM?

– Nei. Du ser jo korleis gutane ser ut no, dei har krampe heile gjengen, seier Raymond og ler.

Fleire kretsmeistrar på tribunen

KM-finalen gjekk ikkje på Stilvoll, men på Kuventræ. Blant publikum var det spelarar frå både herrelaget som blei kretsmeistrar i 1976 og damelaget som kopierte bragden i 2001 (og kom til finalen i 2002).

– Vi tapte ikkje éin kamp den sesongen, fortel keeper Ole-Håkon Sælen og angrepsspelar Asbjørn Bergstø.

Borte mot Osterøy blei det 1-1, heime vann Søfteland 6-2 og sikra tittelen. Året etter trente dei lite og rykte rett ned igjen.

Asbjørn trente seinare dottera si til KM-tittel saman med eit nystarta damelag på Søfteland.

– Vi tapte heller ingen kampar det året. Også vi spelte KM-finalen heime og borte og vann begge to 5-2, fortel Anette Alvær Bergstø.

Sjølv skåra ho «Noregs raskaskte hattrick» i ein av serierundane, då ho hadde feber, men blei byta innpå og putta tre mål på 8 minutt i ein av serierundane.

Men i dag var det 2015-herrane det handla om. Laget rykte opp til 5. divisjon etter å ha kjempa fleire år i toppen av 6. divisjon. Så slo dei Øystese 2 6-3 før dagens finalesiger.

 

 

 

Fleire saker