Solrik skulestart på Søre Neset
I dag hadde 286 ungar i Os sin første dag som skuleelev, 34 av dei helste på ny rektor på Søre Neset skule torsdag formiddag.
Bildeserie:
Medan vidaregåande skule har start etter ferien måndag 20. august var grunnskulane i Os i dag klare for å henta elevane frå 1. til 10. klasse inn frå sommarvarmen og på plass bak pultane.
Av dei til saman 2.471 (mot 2.429 i 2011) elevane på dei til saman 11 skulane, inkludert tre med ungdomstrinn, var det 286 elevar (mot 269 i fjor) som byrja i 1. klasse.
Blant dei blei 34 førsteklassingar, 19 jenter og 15 gutar, i dag ropt opp i gymsalen ved Søre Neset skule.
– Velkomen! sa Berit Skorpen, ny rektor ved skulen.
Flinke elevar
Éin etter éin blei namna på elevane lest opp, først dei 19 i A-klassen, som får Hege Isdahl som kontaktlærar, så dei 15 i B-klassen, som får Ellen Lia.
Stolte og sikkert litt spente kom dei fram, handhelste på rektor og lærar før dei stilte seg side om side med dei nye klassekameratane sine.
Frå Minde til Os
Skorpen bur på Minde og har jobba ved Minde skole dei siste 15 åra.
– Eg har fått eit veldig godt førsteinntrykk av skulen, dei tilsette og elevane, seier den nye rektoren.
Innan oktober i år skal Vikne over som assisterande rektor ved Nore Neset skule, og Søre Neset søkjer no etter ny inspektør.