Solstrand har opna igjen

Opna for Solstrandsprogrammet i går - inn mot meir normal drift frå 1. juli.

Solstrand Hotel & Bad, her sett frå sjøen i mars i år. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 15. juni 2020 09:59

Fredag ettermiddag 13. mars blei Solstrand Hotel & Bad, frå 1896, stengt for første gong. I går, 14. juni, var koronapausen over.

– Vi har annonsert gjenopning frå onsdag 1. juli, men opna delar av hotellet i går, i hovudsak for Solstrandprogrammet, fortel Børrea Schau-Larsen.

Solstrandprogrammet frå 1953 er «vårt mest omfattende og krevende lederutviklingsprogram» skriv AFF, som arrangerer kurset saman med Solstrand.

– Vi har sett veldig fram til å fylla hotellet med gjestar og tilsette igjen. No er vi så vidt i gang, frå 1. juli opnar vi velværeavdelinga og halvparten av gjesteromma.

Solstrand har brukt tida utan gjestar til å gjennomføra vedlikehald og oppgradering.

Midtsiden kjem tilbake med meir om tida som har vore, og Børrea sine tankar om tida som kjem, i ei sak nærmare 1. juli.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.