Sølv og bronse i BKK cup

Tre lag frå Os debuterte førre helg med ellevarfotball, denne helga gjorde to av dei det skarpt i sluttspelet.

Kjetil Vasby Bruarøysøndag 27. mars 2011 20:25

Os, Nore Neset og Lysekloster sine 98-jenter er i år gamle nok til både å spela ellevarfotball og sluttspel.

No i mars, ein månad før seriestart, har dei debutert på full bane i Sandviken IL sin BKK Cup.

Topp 4
Lysekloster gjekk ikkje vidare etter dei innleiande rundane, men Os (Os og JADA slått saman for å bli mange nok til 11-ar) og Nore Neset (Øyglimt og Nore Neset slått saman) blei vinnarar av kvar sine puljer.

Blant 30 ldeltakande lag var begge dei to frå Os blant dei fire som tok seg til semifinale.

Nore Neset slo Vestsiden 4-1 i 1/8-finalen og snudde 0-2 til 3-2 over Voss i kvartfinalen.

Os vann 1/8-finalen 3-0 over Varegg og slo ut storfavorittane Arna Bjørnar 1-0 i kvartfinalen. Arna Bjørnar vann pulja etter 15-0, 9-0 og 5-0 i dei tre innleiande rundane, og hadde ikkje sluppe inn mål før tapet for Os.

Begge tapte for Sotra
Nore Neset spelte ein jamn semifinale, men gjekk på eit knepent 1-2-tap i for Sotra og fekk delt 3. plass.

Os vann sin semifinale 2-0 over Eidsvåg, og trudde nok dei skulle få ein enkel jobb mot Sotra i finalen, då dei leia både 1-0 og 2-1 over Sotra i ein innleiande kamp som enda 2-2.

Men i finalen var det Sotra-jentene som hadde mest krefter igjen etter to helger med harde kampar. Sotra tok leiinga 1-0, Os utlikna munittet etter, men Sotra tok leiinga igjen. I tillegg leia Sotra på cornarar, så utlikning før slutt ville ikkje vore nok for Os sin del.

Til slutt mista Os-jentene håpet og Sotra skåra to til før slutt, finalen enda med 1-4-tap.

Jentene frå Nore Neset og Os kan uansett sjå seg nøgd med bronse og sølv i den store jenteturneringa som opna 2011-sesongen!