Fysioterapeut og personleg trenar Torill Bakke viser korleis du kan halda styrken oppe med strikk i bagasjen. (Foto: Kjetil Vasby Bruarøy).

Sommartrening med strikk

Trening med strikk er både enkelt, effektivt og praktisk.

image
image
image
image
image
image
image
image
image
image
image
image
image
image
image
Av: Kjetil Osablod Grønvigh

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring.

• Førre artikkel: 7 tips til varig endring av gamle vanar

Skal du på tur i sommar, eller er treng du eit avbrekk frå omgjevnadane du elles trener i? Ta med deg ein strikk!

Strikken gir deg litt motstand i kroppsvektøvingar, og tar lite plass i bagasjen. Treningsstrikk kjem i ulike storleikar og merke - og gir ulik motstand.

I dette programmet har eg brukt ein strikk som er cirka 1, 5 cm i breidde. Intensiteten i øvingane styrer du lett med kor mykje du strammar strikken.

Under har eg sett saman eit styrkeprogram med 7 øvingar der du trener heile kroppen. Stram strikken godt og gjer 10-12 repetisjonar per øving. Køyr 3-5 rundar på heile programmet.

1. Knebøy med skulderpress
Setet, framside lår, kjerne, skuldre og triceps.
Seink deg ned i ein knebøy der setet er rett under knehøgde i nedre posisjon. Reis deg opp igjen til oppreist stilling og press hendene over hodet.

2. Sumowalks
Sete og lår.
Stå på strikken. Kryss strikken og hald hendene i hoftene. Seink deg litt ned i hofter og kne, hald denne stillinga når du går. Gå sidelengs med god breidde mellom beina.

3. Seteløft
Sete, bakside lår og korsrygg.
Ligg på ryggen med hoftebreiddes avstand mellom føtene. Plasser strikken rett under knea. Løft setet opp, strekk heilt ut i hofta og press knea ut mot sida mens hofta blir halden oppe. Jobb roleg og hald eit sekund i ytterstilling.

4. Ståande roing
Rygg, biceps og skuldre.
Stå med rett rygg og ver framoverbøyd i hofta. Plasser strikken under føtene. Strekk armane heilt ut. Trekk armane opp og skvis skulderblada saman i øvre posisjon. Hald i 1 sekund.

5. Armhevingarpush up
Bryst, triceps, skuldre og kjerne.
Legg strikken over skulderblada og fest det i hendene. Stå i ein strak planke, hald denne stillinga og seink brystet ned mot golvet. Press deg herfrå opp igjen i utgangsposisjon. Stå på kne om strake armhevingar blir for utfordrande.

6. Sitjande roing
Rygg, biceps og skuldre.
Sit med lett bøy i knea. Hald skuldrene låge og armane strake. Trekk olbogane bakover og skvis skulderblada saman. Hald stillingen i 1 sekund.

7. Magerotasjon
Mage.
Hald ryggen rett og seink deg bakover. Dess lengre bak du seinker deg, dess tyngre blir øvinga. Hald ein arm strak i front av kroppen, roter overkroppen så motsett olboge rører underlaget. Gjenta til motsett side.

God ferietrening!

Torill Bakke
Fysioterapeut, personleg trenar og kosthaldsvegleiar.
@torillbakke

Fleire saker