Standup på Irish Cat påsken 2012

Soo vittig du e'!

VIDEO: Ole Soo skapte hysteriske latteranfall på Irish Cat i påsken.

image
image
image
image
image
image
image
Av: Kjetil Vasby Bruarøy

Sjølv om fjellet, fjorden og finvêret lokka mange vekk frå Os i påsken blei også klubbkveld nummer to i Os, standup på Irish Cat påskeaftan, utselt.

– Dessverre nådde vi ikkje heilt ut til ungdomen, som vi i denne runde lagde eit tilleggstilbod til, berre rundt 25 av 100 billettar til det første showet blei selt. Men komikarane leverte likevel, seier arrangør Jon Hægland frå standupklubben i Os, Råkt Opp & Ned.

Hovudshowet klokka 21 var som debuten 3. mars utselt, og kveldens femkløver leverte varene.

Sjå video øvst i artikkelen.

Gjestane Midtsiden snakka med etter showet, anten dei var 22 eller 55 år, var både nøgd og imponert.

– Fem komikarar på to timar er heilt perfekt. Og nivået var mykje høgare enn venta, var blant tilbakemeldingane.

Olav Svarstad Haugland styrte showet og var minst like morosam som kameratane, mellom deira tid på scenen. Frå dialogen med gymlæraren på framste rad til forteljingar om den kjente politikar-mammaen og oppveksten i ein kristen heim - Olav er sjarmerande og livleg, men samtidig lite anstrengt på scenen. Olav har roen!

Ørjan Buen har drive med standup sidan i haust og var første komikar på scenen. Han kler stilen sin når han serverer ein lun, svart humor sett frå nokre nye vinklar. Buen opna godt og trefte fint med det meste.

Ole Soo stilte med kveldens beste tekst og trefte innertiar med alle poenga, frå då han snakka om å vera annleis i oppveksten, til den austasiatiske puberteten og det å koma tilbake på jobb etter påske og høyra dei mest blodtrente klaga over feriefettet som no skal vekk. Om du ikkje fekk med deg showet på Os stikk til by'n og sjå Soo!

Pål Rønelv virka rutinert og avslappa, hadde fantastiske idear til korleis det snart kan koma noko nytt i trafikken (det har jo ikkje skjedd noko nytt sidan rundkjøringa kom i 19 ...) og viste seg med sitt kvinnesyn som ein skikkeleg gentleman.

Så kom Stian Blipp - kvass, kompakt, hissig og energisk, tett mellom poenga og - ikkje minst - eit lydarsenal av sjeldan sort! Beatboxing er eit supert verktøy for ein standupkomikar, kvelden blei avslutta med trampeklapp! "Opp med daiene, mormor!".

VIDEO: Det er grenser for kva vi får visa frå kvelden, men her er ein stemningsrapport på drygt 5 minutt. (Foto: Kjetil Vasby Bruarøy)

Fleire saker