Sørstrøno innestengt av buss

– 602-bussen frå Strøno til Os står bom fast i Sørstrøno. Dei som bur ytst i Sørstrøno kjem seg ingen veg, fortalte ein Midtsiden-lesar per epost onsdag morgon.

Kvinna og andre passasjerar blei henta med ein annan Tide-bil og kjørt via Nordstrøno, der bussen skulle gått, og til Os.

– Møtte ein lastebil

På veg til Sørstrøno for avgang 06.15 var bussjåføren uheldig og hamna i grøfta.

– Sjåføren fortel at han skulle rygga for ein møtande lastebil, men fekk eit hjul i grøfta og kom seg ikkje opp igjen på vegen, fortel Kaare Enæs frå Tide.

Lastebilen og andre bilar på Sørstrøno blei ståande innestengt.

– Det gjekk dessverre halvannan time før vi fekk bussen laus, men vi fekk avlasta litt med ekstrabil og det var heldigvis ingen som blei skadd.