Sotra-jubel etter 0-1-skåring to minutt før pause. (Foto: Kjetil Vasby Bruarøy)

Sotra slo Lysekloster ut av NM

Hektisk innspurt med 4 mål på 7 minutt.

image
image
image
image
image
image
image
image
image
image
image
image
Av: Kjetil Vasby Bruarøy

I dag blei dei fleste av kampane i første runde i NM spelt. Lysekloster tok imot Sotra, med tidlegare Os-spelar Knut Spangelo Haga frå Nore Neset som venstreving frå start og gjennom heile kampen.

Sotra rykte opp til 2. divisjon frå Lysekloster si avdeling i fjor. I 2018 tapte Lysekloster 2-1 borte og spelte 2-2 heime mot Sotra, som har fått ein god start med 3 poeng på 2 kampar i PostNord-ligaen.

I dag fekk Lysekloster avansement i sikte då dei reduserte til 1-2 i 82. minutt, men Sotra hadde meir på lur.

Lysekloster - Sotra 2-4 (0-1)
Målskårarar:
0-1: Kjetil Skogen Kalve
0-2: Lars Oskar Groos Kilen
1-2: Damian Kamil Garbacik
1-3: Frederic Doksæter Falck
1-4: Jone Rugland
2-4: Eskild Haugland Båsen
• Tropp og kampfakta på fotball.no

– Eg synest vi opna bra, vi får til det vi hadde plan om, og hadde kontroll både då vi hadde ball og då vi var utan ball, seier Lysekloster-trenar Ruben Hetlevik.

Men siste halvdel av omgangen var mesteparten av spelet på Lysekloster sin halvdel. Sotra hadde skot i tverrligger før dei kom til innlegg nærmast frå dødlinja på høgre side langs bakken til enkel jobb på bakerste stolpe.

– I pausen snakka vi om å halda fram som før, men å justera presset høgare, noko vi fekk til.

Kampen blei jamnare, men gjestane gjekk opp i 0-2. Etter ein corner blei Garbacik ståande omringa, men fekk slite seg laus og lausna eit godt skot. 2-1 kom i 82. minutt, og heimelaget auka intensiteten for å utlikna.

I staden kom 1-3 omtrent på same vis som 0-1 og 1-4 på ein noko spesiell situasjon. Sotra kontra, pasninga gjekk til ein spelar i offside, som hadde ballen nærmast i beina, linjemannen var oppe med flagget, men Falck på Sotra spelte vidare, runda keeper og skåra. Protestar frå Lysekloster-benken var til inga nytte, «spel til eg bles i fløyta» var beskjeden frå dommaren.

Båsen reduserte til 2-4 i 87. minutt, Sotra hadde ein stor sjanse på overtid og Szymon Walczak fekk sitt andre gule kort, også dette etter ein duell på midtbanen, og blei utvist.

Neste kamp for Lysekloster blir serierunde mot Fana heime på søndag.

Andre resultat frå første NM-runde:
Fyllingsdalen - Fana 3-2
Arna-Bjørnar - Brann 1-6
Bergen Nord - Åsane 1-5
Vard Haugesund - Vidar 2-1
Frøya - Nest-Sotra 1-6 

Fleire saker