Søv fleire netter i venterom på Halhjem
Vaksen mann frå Austlandet overnatta fleire døgn i venterommet på Halhjem ferjekai.
Om det var at Solstrand Hotel og Bjørnefjorden Gjestetun var fullbooka, eller om det var andre grunner for at mannen i 70-åra dei siste døgna har overnatta i venterommet på Halhjem, er ikkje godt å seia.
– Han har hatt tilhald der med sovepose. Han hadde tinga sine i nokre plastposar, fortel politiførstebetjent Rune Fimreite ved Os lensmannskontor.
Sendt heim med tog
Tysdag var politiet ute på ferjekaien, eller skal vi seia «feriekaien», for å snakka med mannen og få han til å finna ein anna plass å sova.
– Mannen, som er heimehøyrande på Austlandet, blei sendt i marsj retning Bergen og togstasjonen. Han skulle ta toget heimover.
– Årsaka til opphaldet veit vi ikkje, men venterommet på Halhjem er ikkje ein overnattingsplass, slår Fimreite fast.
Mannen skal ikkje ha plaga nokon eller på anna måte vore til sjenanse utover at han har brukt venterommet som sin eigen feriebustad dei siste dagane.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.