Spanderte tivoli på barnehagar og SFO

Bildeserie:

1 av 3

I ettermiddag sette Skandinavisk Tivolipark karusellane i gang i Os.

Men før tivoliet opna fekk fleire barnahagar og SFO i Os køyra banane tilpassa dei yngste.

– Vi har sendt ut invitasjon til alle, men fekk betre respons enn venta. Det var nok godt over hundre ungar her, fortel driftsleiar Terese Andersen.

Tivoliet var ope og gratis for gjestane frå klokka 12 til klokka 13.

– Det er vår måte å gi litt tilbake som takk for at vi får vera i Os.

To veker - to gratisdagar

Det er første gong at tivoliet blir verande i Os to langhelger.

– Vi har ope kvar dag, med unntak av tysdag og onsdag, då skal vi ha ferie og fiska litt.

– Sidan det var så mange born her i dag, var det òg ventetid på ein del karusellar. Derfor har vi ei gratisøkt for barnehagar og SFO også torsdag om ei veke. Alle barnehagane og SFO-ane er velkomne, både dei frå Os og dei frå nabokommunane som ønskjer å koma.