Lokal | 09. apr. 2012

Sperra kort og leverte pc-en på rens

Endå ein osing er lurt av "Microsoft-svindlarar".

Sperra kort og leverte pc-en på rens
(Skjermskot, microsoft.com)
Kjetil Vasby Bruarøy
Kjetil Vasby Bruarøymandag 09. apr. 2012 19:16

I påsken har endå fleire osingar og hordalendingar blitt oppring av dei utanlandske svindlarane som seier dei er frå Microsoft og har oppdaga eit problem med pc-en til offera dei ringer til.

Les òg:
– Stupid woman
Blei rundlurt og svindla
Falsk datakonsulent ringte

– Eg blei oppringt og beit på, fortel ei kvinne frå Os til Midtsiden.no.

Dette er cirka den tiande osingen vi høyrer om som har fått tilsvarande telefon og den andre som har blitt lurt.

Sperra kort

– Eg hadde faktisk problem med pc-en og var naiv. Dei var proffe og høyrtes truverige ut. Dei scanna pc-en min på null-komma-niks og fekk meg til å insttalera eit program som truleg var fullt av virus, fortel kvinna.

Etterkvar skjønte kvinna at noko var gale. No har ho sperra alle korta sine og levert pc-en til rens. Ho håper at ikkje filene hennar er skadd eller at svindlarane har fått tak i informasjon dei kan misbruka.

– Prøver å overta nettbanken

Søndag formiddag fortalte operasjonleiar i Hordaland politidistrikt, Inger Myrtvedt, i ei pressemelding at fleire personar i Hordaland har blitt oppringt av tilsvarande personar i påsken.

– Vedkomande som ringer snakkar engelsk, kanskje med asiatisk aksent, og seier gjerne at den dei ringer til har ein lisens som er i ferd med å gå ut eller at dei har oppdaga andre problem med pc-en.

– Han har fått enkelte til å gje frå seg kommandoen over pc-en, andre har gjeve frå seg kredittkortnummer eller har logga seg på nettbanken med svindlaren innlogga på eigen pc.

denne sida hos Microsoft kan du lesa meir om svindelforsøka.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.