Stakk frå rekninga
Ein drosjepassasjer stakk frå rekninga på Søfteland, ein anna stal seg sykkel i Varåsen.
Politiet har hatt ei relativt roleg natt, men litt har det vore likevel.
- I 0130-tida i natt fekk vi melding om at ein person freista å stele ein sykkel i Nedre Varåsen.
- Vi fekk ei ganske god skildring av mannen og var ute for å sjå etter han, fortel politibetjent Tom Johannessen ved Os lensmannskontor.
Politiet lukkast ikkje å få fatt på sykkeltjuven.
Stakk frå rekninga på Søfteland
Seinare på natta kom det melding frå ein drosjesjåfør som hadde kjørt ein passasjer til Søfteland.
- Då dei kom fram nekta passasjeren å betala for turen og berre gjekk.
- Vi har personalia på vedkommande som vil bli anmeldt av drosjane, avsluttar Johannessen.
Politiet har óg oppretta sak mot ein kar som omlag kvart på tre i natt urinerte på offentleg plass ved Essostasjonen.