Stal grill, bil og stige
Politirapporten: Grill stole frå Amfi. Stige stole frå Kuvenbakken. Stal bil i Trøndelag og diesel på Søfteland. OPPDATERT!
Torsdag morgon fekk politiet melding om at ein grill som sto på ein tilhengar var blitt stolen frå Amfi.
- Den skal ha stått parkert utanfor senteret. Eg har ikkje så mykje meir opplysningar enno då patrulja er på veg opp der no, fortel politioverbetjent Terje Sperrevik.
OPPDATERING: Fredag morgon fekk Midtsiden melding frå senterleiar Christer Danielsen ved Amfi Os.
- Grillen som sto på hengaren på Amfi Os er ikkje stolen.
- Dei var blitt henta av kontaktpersonen som skulle plukke den opp utan at personell her var klar over det. Med andre ord alt i orden, fortel Danielsen.
Stal stige frå husveggen
Ein bebuar i Kuvenbakken held på med å mala huset sitt. For å nå høgst opp på veggen har han satt opp to stigar.
- Mellom klokka 23 i går kveld og 07 i morgontimane har nokon vore og tatt med seg den eine av dei to stigane.
- Om nokon har sett noko, anten det gjeld stigen eller grillen ber vi dei om å kontakta oss, seier Sperrevik.
Lensmannskontoret treff du på 56 30 39 00 eller 480 02 480.
Stal diesel på Søfteland
Dit kan du ringa om du har sett ein sølvfarga VW Transporter som i går stakk frå ERAN på Søfteland utan å betala for dieselen han hadde fylt.
- Bilen er stolen i Trøndelag og er ganske spesiell med mellomanna breie felger.
- Frå ERAN har dei kjørt i retning Os. Vi var ute og såg etter dei, men fann dei ikkje, fortel politioverbetjenten.
Sambuarpar krangla
I løpet av onsdagen/natt til torsdagen måtte politiet to gonger rykke ut til eit sambuarpar som krangla heftig.
- Båe gangene fekk patrulja roa dei så vi trengte ikkje ta med seg nokre av dei.
Men att det har gått heftig for seg er det vel liten tvil om, mellomanna skal kvinna ha knust ei rute i bustaden.
Mista lappen
Som Midtsiden skreiv om i går har ein lastebil blitt stoppa på Halhjem etter å ha vore borti både tunnellveggar og fått problem på ferja.
- Han hadde mellomanna køyrd seg fast på ferja.
- Føraren skal ha fått problem med lasta, men latt vera å varsle.
- Då patrulja traff han på Halhjem blei han fråtatt førarkortet og ilagt bruksforbod av bilen, fortel Sperrevik.
Sjølv om det er politiet på Os som fratok mannen førarkortet er saka oppretta hjå lensmannskontoret på Tysnes.
Politiet hadde òg ein trafikkontroll i Hegglandsdalen på dagtid onsdag.
- 15 bilar blei kontrollert utan at det var grunn til å reagere i høve til nokon av dei, avsluttar Sperrevik.