Stal safe frå golfklubben

Bildeserie:

1 av 2

Tysdag i 7-tida kom det melding om innbrot ved Bjørnefjorden Golfklubb.

– Dei har tatt seg inn ved å knusa vindauget på to kontor.

– Dei har også brote opp gitteret inn til butikken (pro-shop), og det er rota ein del i klubbhuset, fortel dagleg leiar Eivind Hodneland.

Stal pengeskap

Ein safe er sakna etter innbrotet.

– Det er pengar i safen, men ikkje så stort beløp. Vi har aldri noko særleg med pengar liggande, seier Hodneland.

Golf-innbrot i Bergen i går

Ifølgje Hodneland var det innbrot i Bergen Golfklubb natt til i går.

Politiet ber om tips, opplysingar kan rettast til politiet i Os på telefon 56303900.

Knust postkasse på Søre Neset

I førre veke fortalte vi om tjuveri frå ein postkasse i Sollia.

I går fekk politiet melding om knust «offentleg» postkasse på Søre Neset.

– Det er snakk om ein raud postkasse som du droppar brev som skal sendast. Postkassen var øydelagt og det låg post strødd utover, fortel politioverbetjent Audun Hadler-Olsen.