Lokal | 19. mai 2015

Stal sko for over 20.000 kroner

Etter to innbrot i nabolokalet var det i natt T Moberg Sko sin tur. – Tjuvane var kresne og har gått på dei dyre merka.

Stal sko for over 20.000 kroner
Nokon har knust seg inn på lageret til T Moberg Sko i natt. Varer for over 20.000 kroner er vekke. (Foto: KVB)
Kjetil Vasby Bruarøy
Kjetil Vasby Bruarøytirsdag 19. mai 2015 08:14

Tysdag morgon blei det oppdaga at ei rute var knust på baksida av butikken T Moberg Sko i Telthuskvartalet.

– Politiet var på plassen då eg kom på jobb i dag, fortel ein av dei tilsette i butikken.

For to veker sidan, og for fem veker sidan, var det innbrot i nabolokalet, restauranten Aroydee. Også då blei ei rute på baksida knust.

Stal mange dyre varer

Butikken er ikkje særleg prega av innbrotet og er open som vanleg i dag. Men i enkelte hyller er det ikkje heilt fullt.

– Det er tydeleg at dei har gått på dei dyrare skoa, som Tommy Hilfiger og Gant. Tjuvane har verkeleg tatt seg tid til å handplukka dei over 20 par skoa dei har tatt med seg frå butikken.

Den einaste plassen dei har rota er på lageret. Der er det romstert noko voldsomt i barnesko-eskene.

– Kor mykje dei har stole frå lageret er vanskeleg å seia. Det er også stole ein del vesker, men førebels veit eg ikkje kor mange.

Butikken oppbevarer ikkje kontantar, men noko mynt frå det ulåste kassaapparatet er også stole.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.