Stank på Storum
Eit heilt hjortedyr ligg og luktar ved Storumbakken. – Ein glipp, seier Mesta (oppdatert).
Ein forbipasserande syklist reagerte laurdag på ivrige fuglar nær Storumbakken.
– Først reagerte eg på kor store kråkene var, så såg eg at det var ravn som romsterte voldsomt med noko, fortel Morten Røttingen.
Røttingen sykla bort for å sjå kva ravnene var så opptatt med, og fann ein daud hjort.
– Truleg dumpa
Midtsiden kontakta Espen Anedersen, som er ein av viltkontaktane politiet og landbrukskontoret bruker ved påkjørsle av hjort.
– Eg har høyrt om dyret, men kjenner ikkje til bakgrunnen anna enn at nokon har sagt at det har blitt dumpa der, seier Andersen.
Kunne vore betre skjult
– Det er normalt at daude dyr, eller restar, blir liggande i skogen. Vanlegvis forsvinn for eksempel innvolar etter at eit dyr som er felt i jakt, og gjort opp i skogen, på ei veke. Fugl og rev tar seg av saka.
Kadaveret ligg synleg frå vegen som går inn til bustadane ved Særvollsvika og har byrja å lukta.
– Eit heilt dyr er litt drygt å legga frå seg, det tar tid før denne skrotten forsvinn på naturleg vis. Dessutan er det naturleg å skjula det betre.
Robert Kaastad, som har fyllinga der dyret ligg, seier han ikkje kjenner til den dumpa hjorten.
– Den må eg ut og sjå på. Om den ligg til bry for andre skal eg flytta den og dekka den til, seier Kaastad.
– Ein glipp (oppdatert)
Midtsiden fekk tips om at hjorten var dumpa på staden av Mesta, som har vedlikehald av vegar i Bergensområdet.
– Hjorten har blit funnen ved vegen ein stad og rydda vekk til Storum. Denne fyllinga skal vera godkjent for denne type dumping, men då skal skroten gravast ned, fortel kommunikasjonssjef i Mesta, Erik Riste.
– I dette tilfellet blei den dessverre ikkje gravd ned. Det er ein glipp som no er retta opp i, legg han til.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.