Sport | 21. aug. 2012

Starta hausten med 2-0-siger

Damelaget til Os hamna i toppa avdeling etter vårsesongen. Søndag starta dei haustsesongen med ein fin siger over Gneist 2.

Starta hausten med 2-0-siger
Marita Arentzen skåra 1-0-målet i 2-0-sigeren over Gneist 2. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytysdag 21. aug. 2012 08:35

Os speler i 4. divisjon, men klarte som i fjor å bli blant den beste halvdelen etter vårsesongen.

Med 2 sigrar, 1 uavgjort og 2 tap blei det 3. plass på tabellen og plass i beste avdeling no i haust.

– Vi har mista to spelarar, Liv Herfjord og Anette Holmefjord, som har reist ut av bygda på skule, men fått to andre, Heidi Kloven og Mariann Øvredal, tilbake, fortel Tore Nøss, som er med og trener damelaget til Os.

Søndag starta dei haustsesongen på heimebane mot Gneist 2.

– Det blei ein god kamp for Os med full innsats og spesielt fint spel i første omgang.

Os leia 2-0 til pause og stillinga sto seg kampen ut.

Marita Arentzen skåra 1-0-målet i 25. minutt, Malin Moldskred sette inn 2-0 på hjørnespark som gjekk via keeper og i mål.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.