Starta hausten med solid bortekamp i Sogndal

I dag blei fem kampar spelt i 3. divisjon avdeling 4, som start på haustsesongeni Norsk Tipping-ligaen.

Lysekloster spelte borte mot Sogndal 2, som låg på 7. plass med 17 poeng etter vårens 11 kampar.

– Vi dominerte i grunnen heile kampen. Dette var solid, synest Lysekloster-trena Ruben Hetlevik.

Sogndal 2 - Lysekloster 0-2 (0-2)
Målskårar: Simen August Næss (30. og 45.)
Tropp og kampfakta på fotball.no

Damian Kamil Garbacik sona karantene etter gult kort heime mot Vestfossen før ferien, Szymon Walczak spelte frå start i dag.

0-1 kom etter at Lysekloster vendte spelet rask, og Nikolai Harris kom til innlegg. Eit kvarter seinare kom eit fint angrep langs sentrallinja, som endte med at Næss blei tredd gjennom.

– Det einaste eg har å setja fingeren på i dag er at vi burde ha skåra nokre fleire mål. Den siste halvtimen, då det nesten såg ut som om Sogndal 2 hadde gjeve opp, hadde vi òg nokre sjansar der vi kunne vore noko meir tolmodige, så hadde vi spelt sjansane endå større.

Klatra til 3. plass

Lysekloster er no oppe i 25 poeng, og klatra med det forbi Fana og opp til 3. plass på tabellen.

Fana tapte i dag 2-0 borte for Fyllingsdalen, og har dermed framleis 24 poeng.

23 mål på to kampar (fleire resultat frå dagens runde)

Vard Haugesund har overtatt tabelltoppen etter 0-11 (!) borte over Valdres, som er Lysekloster sin neste motstandar (på heimebane laurdag om ei veke).

Stord imponerte like mykje, og slo Fjøra 12-1!

Vard er a-poeng med Djerv 1919, som kjem til Kuventræ for å møta Os i morgon.

Vestfossen har i dag slått Bergen Nord 2-1 lengre nede på tabellen.