Topp 3 junior fekk møta Petter Solberg: F.v.: Tor-Øivind Enger Østgaard (1. plass), Petter Solberg, William Hetleflåt (3. plass) og Bent Arild Strøm (2. plass). (Privat foto)
Topp 3 junior fekk møta Petter Solberg: F.v.: Tor-Øivind Enger Østgaard (1. plass), Petter Solberg, William Hetleflåt (3. plass) og Bent Arild Strøm (2. plass). (Privat foto)

Staseleg avrunding på god sesong

To utøvarar frå Os fekk tildelt NM-bronse på stor galla på Gardermoen. For unge William Hetleflåt blei det ei ekstra stor oppleving.

Kjetil Vasby Bruarøy
05. januar 2016 - 10:27

Rallycross-køyrar Karoline Breivik (19) frå Os låg an til samanlagt-sølv, som i NM i 2014, men rulla rundt i siste løp og måtte sjå seg nøgd med NM-bronse i 2015-sesongen.

Dragrace-junior William Moberg Hetleflåt (12), Os' raskaste 12-åring, gjekk opp i ny klasse med ny bil, men imponerte og landa på 3. plass samanlagt i NM for juniorar.

– Sesongen blei langt betre enn vi kunne ha drøymd om. NM-bronsen heng på veggen heime, seier mekaniker og pappa Truls Hetleflåt.

Saman var han og William til Gardermoen for å delta på Norges Motorsportforbund sin galla med premieutdeling på Clarion Hotel & Congress Oslo Airport.

– Til stor inspirasjon

Gallaen hadde 650 deltakarar med nasjonale og internasjonale gjestar.

– Det er kjekt at det blir laga eit så flott opplegg rundt sporten og premieutdelinga for NM samanlagt.

– Her fekk William møta kameratane sine frå ulike plassar i Noreg, i tillegg fekk dei møta fleire kjente stjerner, som Petter Solberg og Fredric Aasbø.

Konferansier var den historiske vinnaren av formel 1 i Dubai i haust, offshore-stjerna Marit Strømøy.

– Gallaen var, saman med resultatet, ei flott oppleving og til stor inspirasjon for sesongen som kjem, seier Truls på vegne av sonen William.

Les òg, Midtsiden samleside: Motorsport

 

 

 

Les meir om

Sport Motorsport