Steinar «Lightsand» Lyssand - solodebut

Steinar «Lightsand» debuterer som soloartist

Frå blues til country: Med engelsk omskriving av etternamnet sitt, og ny sjanger, blir det sleppefest i heimbygda.

Av: Kjetil Vasby Bruarøy

I 2012 var den unge, men erfarne bluesgitaristen og vokalisten Steinar Lyssand i Nashville med Blue Note Shuffle for å spela inn bandets første og til no einaste album.

I fjor sommar var han tilbake i Nashville, då som soloartist, og no er han klar med nytt album, «Monday morning call», og nytt artistnamn.

– Eg har hatt det travelt som musikar i det siste, med ulike band, no var det veldig godt å jobba med sitt eige, og å ha førstestemma igjen, seier «Lightsand».

For ei god veke sidan sleppte han singelen «Hey Baby», laurdag 30. september blir det releaseparty i Os sitt svar på amerika, Er-An Veikro.

– Resten av hausten er booka opp med andre band, så dette blir faktisk einaste konserten med soloalbumet før jul, fortel Steinar, som ikkje leita lenge då han jakta etter eit artistnamn som soloartist.

– Eg hadde bestemt meg for å finna eit artistnamn, og då eg skreiv om etternamnet mitt til «Lightsand» så syntest eg at det passa bra. No er eg spent på mottakinga og håper på å få spela mykje countrymusikk i 2018.

Sjå intervju om albumet i videoen over.

 

 

Fleire saker