Lokal | 12. mars 2020

Stenger alle skular og barnehagar

Har valt kvar sin dato for siste dag.

Bjørnafjorden rådahus. (Foto: KVB)
Kjetil Vasby Bruarøy
Kjetil Vasby Bruarøytorsdag 12. mars 2020 10:40

Koronaviruset:

Kommuneleiinga har i dag, torsdag 12. mars, vedtatt med heimel i smittevernlova §4-1, pkt b å stenga skular og barnehagar.

– Vi stenger alle barne- og ungdomsskular frå og med fredag 13. mars, opplyser kommuneleiinga.

Siste skuledag i grunnskulen er med andre ord i dag. Vestland fylke har i tillegg stengt alle vidaregåande skular.

Barnehageborn kan gå i barnehage fredag, men frå og med måndag 16. mars er også alle barnehagar stengde.

Stenginga gjeld både kommunale og private skuler og barnehager. Stenginga gjeld inntil vidare.

– Vi har nytta formiddagen til å vurdera dette. Når Bergen og Oslo, og også Vestland fylkeskommune no stenger sine skular og barnehagar, så er det ingen grunn for oss å gjera noko anna, seier kommunedirektør Christian F. Fotland.

Ber helsepersonell prioritera jobb

Grunngjevinga for stenginga er det spredningspotensialet koronaviruset har. Stenginga blir gjort etter eit føre-var-prinsipp.

– Det er viktig å understreka at det ikkje er grunnlag for uro. Vi gjer dette for å forebygga.

– Vi forstår at dette kan gi utfordringar for innbyggarane i Bjørnafjorden kommune, men ber om at helsepersonell gjer alt dei kan for å koma på jobb.

– Dersom det er foreldre kor ein av partane er helsepersonell, så oppmodar vi på det sterkaste at den andre er heime med borna, seier kommunedirektøren.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.