Stenger Flyplassvegen til helga
Skal du til Flesland laurdag kveld eller søndag morgon? Då bør du lesa dette.
Den nye gang- og sykkelvegbrua ved Skeievatn og Fana golfklubb skal støypast. Det fører ifølgje vegvesenet til stenging av Rv. 580 Flyplassvegen.
Vegen (og gang- og sykkelvegen) blir stengt mellom Sandslikrysset og Rådalskrysset frå laurdag 5. mars klokka 18 til søndag 6. mars klokka 10.
Skal du for eksempel til Flesland eller til Liland for å spela Lerøy Cup i perioden bør du med andre ord finna ein omkøyringsveg og berekna ekstra god tid.
Skyss legg om rutene for buss 53 og 54 og informerer passasjerane. Det same gjer Flybussen for trafikken laurdag kveld og søndag morgon. Busstoppa Rådal, Meyerskiftet og Håvardstun blir stengde i perioden.
Høgda for trafikk under brua blir 4,3 meter frå 5. mars klokka 18.00 og i ein periode på kring fire veker framover.
Spennande? Vil du ha ukas høgdepunkt i innboksen?
Les meir om