Sterk start for Langedalen Opp
Med nesten 150 deltakarar, blant dei noregsmeister Kirsten Marathon Melkevik, blei det nye motbakkeløpet Langedalen Opp ein stor suksess.
I dag blei Langedalen Opp arrangert for første gong.
– Vi hadde berre 10-15 førehandspåmeldte, så vi var veldig spente på korleis oppmøtet skulle bli, seier Olav Hovland frå Søfteland TIL.
Les òg: I 100 opp Langedalen
Men det gjekk minst like bra som arrangørane hadde håpa på;
• 2 km konkurranseklasse: 43 deltakarar
• 1,4 km konkurranseklasse: cirka 20 deltakarar
• 1,4 km turklasse/mosjon: 82 deltakarar
– Dette var mitt første løp etter eit skadeopphald på rundt ni månadar. Eg byrja å trena igjen i juli og blei invitert med av ein annan deltakar, Geir Skaten, fortel Kirsten Marathon Melkevik.
Kirsten var noregsmeister på både 5000-, 10.000 og halvmarathon i 2006. I dag var ho suverent raskaste kvinne.
– Langedalen Opp var heilt fantastisk, ei kort og asfaltert løype som passar for alle, også for heile familiar og folk med barnevogn.
Midtsiden kjem tilbake med fleire bilde og full resultatliste.
HER ER TOPP 3:
Kvinner - lang løype:
1. Kirsten Marathon Melkevik 08:01
2. Cecilie Landro 10:15
3. Ingunn Rognsvåg 10:29
Menn - lang løype:
1. Jørgen Axelsen 07:20
2. Stian Aarvik 07:26
3. Robert Hisdal 07:32
Kvinner - kort løype:
1. Iselin Haukeland 09:39
2. Kjersti Tysse Plätzer 09:50
3. Sara Skaathun 10:13
Menn - kort løype:
1. Martin Håvik 06:50
2. Vegard Skeie 07:11
3. Hans Magne Håvik 07:22