Modellane strålte på catwalken under moteshowet på Rosa Tysdag i Os sentrum. (Foto: Kjetil Osablod Grønvigh)

Sterke saman i sentrum

Bildeserie: Rosa sløyfe-aksjonen vart markert med rosa tysdag i Os sentrum. Det vart ei sterk oppleving.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Osablod Grønvigh

Osøyro har dei siste dagane vorte farga meir og meir rosa, og i baldakinane har det sidan søndag hengt 500 bh-ar i samband med Rosa sløyfe-aksjonen.
Årets markering er eit resultat av eit initiativ frå kreftkoordinator i Os kommune, Sigbjørg Eriksson.

– Eg kjem tett på dei som er råka av kreft, anten direkte eller via «Treffpunkt» (Treffpunkt er ein møteplass for barn mellom 6 og 16 år, som har ein i familien som har kreft eller som er død av kreft).

– I utgangspunket ville eg setja opp eiutstilling med kunst som er laga av brukarar på «Treffpunkt», men etterkvart som eg presenterte planane til Tove Tvedt og vidare til William Lindborg i Os sentrumsforening leia eit stort engasjement til den markeringa du ser her i dag.

Eriksson fortel vidare at brystkreftforeningen har stand på Torget, og at fleire av dei som har delteke i «Treffpunkt» har måleria sine utstilt.

Sterke vitnesbyrd

Kommunalsjef for helse, Monica Totland Melvold, opna utstillinga og arrangementet med ein personleg appell.

Vidare fekk vi eit sterkt møte med Marianne Holmefjord og Iselin Bustadmo Baldersheim. Marianne er mest kjent som eigar av Os Blomsterservice, mens Iselin er tilflytta osing.

I samatale med konferansier Laila Reiertsen fekk vi høyra om korleis det er å leva med kreft, tankar kring døden og korleis ein lev vidare etter brystkreft.

Varmt moteshow i ei rosa bygd

Fleire av butikkane i Os sentrum hadde gått saman om å laga eit moteshow, men med modellar som direkte eller indirekte har blitt ramma av brystkreft.

Sjølv med regn og 4 kalde plussgradar i lufta, vart det eit sterkt og rørande moteshow som synte styrke og fellesskap.  

Markeringa vart avslutta med flott musikk frå Ada Keita og Olav Skorpen.

Fleire saker