Sport | 08. juni 2016

Sterkt av Anne Mathilde

Anne Mathilde Reimer Haga og Bandit (II) vann suverent med heile 70,167% då Lysefjorden Ride og Kjøreklubb arrangerte dressurstemne i helga.

Sterkt av Anne Mathilde
Anne Mathilde Reimer Haga på Bandit (II) LB søndag suverent foran Kristine Reisæter på Jotunheimens Madonna og Astrid Waarseth på Rotenäs Casanova (privat foto)
Andris Hamreonsdag 08. juni 2016 08:27

Bildeserie:

Lena Nåmdal på Gedeon (foto: Andris Hamre)
Lena Nåmdal på Gedeon (foto: Andris Hamre)
Thale Marie Haukås Parker på Bellnon (foto: Andris Hamre)
Thale Marie Haukås Parker på Bellnon (foto: Andris Hamre)
Marta Nygård på Misty Rath (foto: Andris Hamre)
Marta Nygård på Misty Rath (foto: Andris Hamre)
Dommarane såg nøye etter detaljane i programmet (foto: Andris Hamre)
Dommarane såg nøye etter detaljane i programmet (foto: Andris Hamre)
1 av 4
Lena Nåmdal på Gedeon (foto: Andris Hamre)
Thale Marie Haukås Parker på Bellnon (foto: Andris Hamre)
Marta Nygård på Misty Rath (foto: Andris Hamre)
Dommarane såg nøye etter detaljane i programmet (foto: Andris Hamre)

Laurdag og søndag var det høg aktivitet på anlegget til Lysefjorden Ride og Kjøreklubb då dei arrangerte klubb- og distriktsstemne i dressur-riding.

– Det blei eit veldig vellykka arrangement med god deltaking. Tilbakemeldingane har vore positivet, både på konkurransa og i høve staden og ikkje minst vêret, fortel Mona Hagenes, styreleiar i klubben.

Fast program

For ein utanforståande er ikkje dressur-riding heilt lett å forstå.

– I kvar klasse er det ei fast løype ekvipasjane skal gå ut frå eit heilt fast program. Dei skal gå frå ein bokstav til ein anna, trava på gitte stader, voltane skal vera så og så store. Tømmene skal vera slakke nokre stader, men ikkje andre. Det går heilt ned på detaljer som dommarane ser etter, forklarar Hagenes.

Sterk prestasjon

Fleire av klubbens eigne ekvipasjer markerte seg med gode resultat i konkurransene.

– Passerer du 70% har du gjort ei veldig bra konkurranse. Vår eiga Anne Mathilde Reimer Haga på Bandit (II) klarte det i klasse LB, då ho rei inn til 70,167%.

– I tillegg er eg veldig nøgd med LC-klassa på søndagen kor vi tok dei fire første plassane med Tuva Haugland på Levante 0005, Lena Nåmdal på Gedeon, Thale Marie Haukås Parker på Bellnon og Emma Eidsvik på Nikay, seier Hagenes.

Fekk god nyheit

To dagar etter stemnet fekk Hagenes og rideklubben gode nyheter frå kommunen, då formannskapet vedtok å gje kommunal garanti og tilskot til bygging av nytt garderobeanlegg.

– Det betyr veldig mykje for oss. Dette er noko vi har snakka om i mange år, men det har ikkje vore enkelt å realisera når økonomien er som den er. Difor har vi i fleire år søkt på dei kommunale midla, og endeleg får vi det til.

– Det skal bli kjekt å få bytta ut dei transportable toaletta og ikkje minst få innlagt vatn. Det betyr kjempemykje for klubben og ridesenteret. No kan vi tilby eit funksjonelt anlegg.

– Når reknar de med å ha det klart?

– Planen er å kjøpe brukte brakker av god standard, slik at vi held kostnaden nede, men slepp å pussa dei for mykje opp. Dei vil vi plassere i to høgder og kle dei, slik at det blir fint og med ein heilskap.

– Eg håper vi skal kunne ta fatt på arbeidet rett etter sommaren, avslutter Mona Hagenes.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.