midtsiden

Stilig start for LoL

I går opna motebutikken LoL i Kleiven-lokalet. Innreiinga er laga av skrot frå ein låve i Dalen.

image
image
image
image
image
Av: Kjetil Vasby Bruarøy

– Alle lo då Kristoffer foreslo paller. Men så blei det sånn, seier Lena Stigen Mathisen.

LoL har innreiing som består av blant anna paller, malt stålstige og behandla armeringsjern.

– Rett nok har eg eit bord heime som er laga av paller, eg lagde det sjølv ut frå oppskrift i eit interiørblad. Men ingen tok Kristoffer på alvor likevel, seier ho om medeigar Heggeland sin gode idé.

Stilig gjenbruk

Torsdag formiddag opna den nye motebutikken LoL i Os sentrum. Butikken er eigd av Lena, Kristoffer og Anders Heggeland, og dei tre har bygd butikken på tre veker, raskt, men billig.

– Vi fekk mykje frå ein låve i Hegglandsdalen. I tillegg har fleire andre kome til for å gje blant anna påfyll av paller.

Butikken sel kjente merker som DC og Quicksilver, og Outfitter Nation, som blei ein stor slager opningsdagen.

Tilbakemeldingar og tips

– Vi hadde jamt trykk heile dagen og fekk mange fine tilbakemeldingar, både på at vi satsar i sentrum, på vareutvalet og på innreiing, seier Lena nøgd.

– Ekstra kjekt var det med så stort sprang i alder, vaksne damer som handla til mennene sine, og ungdom som handla til seg sjølv. No håper eg at folk er flinke til å tipsa oss om ting dei saknar, vi er ikkje med i kjede og står fritt til å justera på utvalet.

 

Fleire saker