Kultur | 19. nov. 2013

Stipend til Ingrid Rosvold

Ingrid Lyssand Rosvold (15) har mottatt Partas sitt kulturstipend.

Stipend til Ingrid Rosvold
Ingrid i UKM 2011. (Arkvifoto: KVB)
Kjetil Vasby Bruarøy
Kjetil Vasby Bruarøytirsdag 19. nov. 2013 14:49

Ingrid Lyssand Rosvold har vore å sjå både i UKM og på ulike framsyningar i Fjellheim, Grieghallen og Oseana, blant anna med hovudrolle i Dukkemareren (sjå bilde og video) av Patricie Langeland sommaren 2012.

Ingrid dansar klassisk ballett og er no tildelt Partas AS sitt kulturstipend. Stipendet er på 10.000 kroner.

Formålet med stipendet er å stimulere til videreutvikling av lovende unge utøvere som har kommet til et nivå i egen utvikling der det kreves økonomiske ressurser utover det som er alminnelig. Stipendet skal knyttes opp i konkret satsing eller utviklingsprogram.

– Ho byrja å dansa då ho var seks år gamal og trener no fem dagar i veka i ei talentgruppe i ballett ved Bergen kulturskule. I helgene tar ho ein del privattimar med instruktør, fortel Knut Haddal frå Partas, og viser til søknaden til Rosvold.

Ingrid drøymer om å bli profesjonell ballettdansar og etter jul skal ho på audition til ulike danseskular, blant anna Khio (Kunsthøgskolen i Oslo) og Royal Swedish Ballet School i Stockholm.

Førre stipendmottakar frå Partas er kappgjengar Joakim Sælen, som i vår fekk 10.000 kroner i stipend.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.