Stipend til slalåm og song

Rådgjeving- og rekneskapsfirmaet Partas AS i Os har delt ut stipend for 2012.

I fjor gjekk stipendet til fire ulike ungdomar frå Os, i år er det Richard Myhre Gåssand og Olav Skogen som mottar stipendet.

Dei to fekk 10.000 kroner kvar.

Olav Skogen (18) er alpinist og går i andreklasse på toppidrettsgymnaset på Geilo (NTG).

Høgdepunktet frå sesongen 2011/2012 var 7. plassen i senior-NM. Det langsiktige målet er å kjøra verdscup

Richard Myhre Gåssand (19) er låtskrivar og vokalist. Han har blant anna vore med på folkeoperaen Havfest og har som mål å spela inn ein EP før han skal i militæret i august.

– Eg har lagt 21 låtar ut på nett, 4 av dei er mine eigne. Desse er, saman med yttarlegare 50 låtar, spelt inn med Singstar-mikrofon på ein vanleg pc. No vil eg i studio, seier Richard.

I ORBO sitt studio vil han i første omgang spela inn fire eigeskrivne låtar.