– Sto veldig høgt på lista vår

– Det vart ei svært verdifull tid for meg, og eg trivdest veldig godt i Øygarden med den gjengen som var der. Det var sjølvsagt ekstra kjekt for meg å merka at eg tok nivået i OBOS og at det gjekk så bra som det gjorde. Det er noko eg tar med meg vidare, sa Vegard Strønen Skeie då han i januar var tilbake i trening med Brann.

No er det klart at Vegard skal spela for Øygarden også i 2021.

• Les òg: Skeie imponerer i OBOS-ligaen

– Vi er strålande nøgd med å ha Vegard på plass. Denne signeringa sto veldig høgt på lista vår, seier trenar Tommy Knarvik i Øygarden Fotballklubb til klubben si Facebookside.

ØFK takkar òg Brann for eit godt samarbeid rundt overgangen.