Stole samband blei levert tilbake

– Vi ville gi vedkomande ein sjanse til å levera dei tilbake.

Os Taxi opplevde tjuveri natt til søndag. Ei munter melding på Facebook løyste saka. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 28. apr. 2021 08:55

Natt til søndag blei det oppdaga at to av sambandsradioane til Os Taxi var stolne frå drosjebua.

– Det er truleg ein av sjåførane som har gløymd å låsa drosjebua på veg ut på oppdrag, og desse radioane låg på disken, og var nok det første vedkomande som opna døra såg, seier styreleiar Tor Anders Hauge.

I 20-tida i går la han ut ei melding på Facebook-gruppa Oppslagstavlo i Os. Med ei munter avslutting.

«Er det noen som kjenner til dette så er det bare å levere de på sentralen . Ingen spørsmål bare glede om vi kan få de tilbake».

Og glede blei det, nokre timar seinare låg radioane i ein pose utanfor døra.

– Vi investerte i nytt samband i fjor sommar. Det er kostbart, kryptert og veldig nyttig for oss. Sambandet har tre sim-kort, Telenor, Telia og Ice, og kan nyttast i heile EU. Men det er ubrukeleg for alle andre.

– Vi deaktiverte desse som blei stolne og bestilte nye. No fekk vi avbestilt desse, og vi synest det er kjekt å sjå at det går an å angra og gjera opp for seg, slik ein eller annan gjorde i går, seier Hauge.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.