Stopp på E39 etter ulykke på Halhjemsvegen

To bilar var involvert i ei trafikkulykke på E39 Halhjemsvegen i 12.30-tida i dag.

– Ingen er fastklemt, men det er nokre materielle skader og lekkasje frå minst eitt av køyretøya, opplyser 110 Vest via Twitter.

• Har du informasjon eller bilde? tips@midtsiden.no

Ifølgje politiet var det heller ingen alvorleg personskade.

Vegen blei stengt etter ulykka.

Ifølgje Google Maps si trafikkovervaking er det i 13.40-tida framleis kø på staden.

OPPDATERT: 14.00

– Det var tre personar i dei to bilane. Ein av dei er tatt til legevakt for sjekk, dei to andre er undersøkt av helsevesen på staden, seier operasjonsleiar i Vest politidistrikt, Steinar Hausvik til Midtsiden.

– Sist eg fekk oppdatering var 13.30, då starta politiet manuell dirigering på staden.