To stoppa

Politiet på patrulje onsdag møtte ein bil dei fann grunn til å sjå nærare på.

- Bilen blei avskilta då det viste seg at den ikkje hadde vore inne på naudsynte kontrollar og mangla årsavgift, fortel lensmann Rasmus Dalen.

Markerte trafikkfarleg åtferd

Seinare traff patrulja ein moped med to personar på.

- Mopedføraren blei ilagt eit forelegg for å ha ein passasjer på.

- I tillegg fekk passasjeren forelegg for ikkje å nytta hjelm.

- Det er viktig for oss å markera at dette er uansvarleg opptreden i trafikken, avsluttar lensmann Dalen.