Stoppa hopparar

Hopp frå Lepsøybrua blei hindra, medan eit hopp frå ein veranda enda ikkje like godt.

To unge gutar blei stoppa då dei skulle til å hoppa frå Lepsøybrua. (Foto: Kjetil Vasby Bruarøy)
Kari M. Lyssandsøndag 27. juli 2014 10:54

I den steikande sommarvarmen og gode temperaturar i vatnet er det mange som nyttar sjansen til å ta seg eit avkjølande bad.

Men det er ikkje alle stadar det er like lurt å hoppa uti.

To unge gutar blei laurdag i ni-tida på kvelden observert på Lepsøybrua der dei hadde tenkt å hoppa ut i sjøen.

- Ein tilsett frå brannvesenet kom tilfeldigvis forbi då gutane stod der og han gav dei beskjed om å ikkje hoppa, fortel politibetjent Janne Samuelsen frå Os lensmannskontor.

Det er 14 meter frå undersida av brua og ned til vatnet, og det er ved full flo. I tillegg er det fleire meter frå undersida og opp til vegdekket.

- Det er for høgt å hoppa frå Lepsøybrua, og gutane tok heldigvis beskjeden på alvor og avlyste hopp-planane.

Landa i båt

Ein annan som også ville ta seg eit bad var ikkje fullt så heldig.

I to-tida natt til sundag skulle ein mann stupa tre meter frå ein veranda og ned i sjøen.

Det enda ikkje godt då mannen landa med hodet først i ein båt.

- Vedkomande fekk nokre skader i ansiktet og hadde vondt i kroppen, men han har vore heldig for han hadde ingen alvorlege skader.

Helsepersonell kom på staden og tok hand om mannen.

Slåsting på Esso

Det kom inn klage på festbråk frå ein båt natt til sundag. Då politiet kom på staden hadde det roa seg.

I 04.30-tida fekk politiet melding om ein person som hadde blitt stått ned utanfor Esso.

- Vi har vore i kontakt med han som har blitt slått ned og den mistenkte gjerningsmannen, fortel Samuelsen.

- Det er mogleg at hendinga blir meldt.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.