Stoppa trailerar
Politiet stoppa for langt køyretøy i Rødsliane. Brannmann stoppa trailer ved Søvikåsen.
Onsdag morgon fekk politiet melding om eit langt køyretøy som var på veg opp Rødsliane.
- Patrulja rykka ut og fekk stoppa bilen i Hegglandsdalsvegen.
- Ganske rett var den for lang. Sjåføren blir no anmeldt for å ikkje ha overholdt køyreforbodet, fortel lensmann Rasmus Dalen.
På veg opp Søvikåsen
Tysdag hindra Gitle Smaadal, som mellomanna jobbar som i Os brann- og redningsteneste, ein polsk trailer i å ta vegen over Søvikåsen.
- Eg traff den akkurat ved bommen då han var på veg opp og fekk stoppa han.
- Det er merkeleg at ikkje desse sjåførane klarer å lese skilta, seier ein noko oppgitt Smaadal.
Kontrollerte 35 bilar
I løpet av onsdagen hadde patrulja frå Os lensmannskontor to trafikkontrollar.
- Den første tok dei i Hegglandsdalen då dei likevel var der inne.
- Den andre var i går kveld i Lysefjorden.
- Totalt blei 35 bilar kontrollert utan nokon form for reaksjoner, fortel Rasmus Dalen.
Kjenning stal sko
Ein kjenning av politiet blei i 20.30 tida onsdag gripen av politiet på Amfi Os.
- Vi fekk melding frå ein av sportsbutikkane om at ein kar dei kjente att hadde stole eit par sko.
- Mannen innrømma ugjerninga og vil bli anmeldt.
Like før klokka 09.00 torsdag fekk politiet melding om innbrot i ein bil på Søfteland.
- Patrulja er på veg dit no. Førebels veit eg ikkje kva som eventuelt har blitt fjerna frå bilen, avsluttar lensmann Rasmus Dalen som ønskjer russen ei fin russefeiring, men ber dei ta hensyn til omgjevnadane og ta vare på kvarandre.